PREMJU GĦALL-ĠURNALISTI 2007

Kompetizzjoni ma’ l-UE kollha fuq id-diskriminazzjoni u d-diversità miftuħa għall-ġurnalisti ta’ istampa u online

Il-Premju ta’ l-2007 għall-Ġurnalisti “Ngħożżu d-Diversità. Diskriminazzjoni Qatt.” jingħata mill-Unjoni Ewropea sabiex tonora ġurnalisti li bix-xogħol tagħhom jikkontribwixxu għal fehma pubblika aħjar tad-diversità u l-ġlieda kontra d-diskriminazzjoni fis-soċjetà. Ġurnalisti ta’ l-Istampa u online fis-27 Stat Membru ta’ l-UE huma mitluba jissottomettu artikli dwar suġġetti ta’ diskriminazzjoni jew ta’ diversità għal raġunijiet ta’ razza jew oriġini etnika, reliġjon jew twemmin, età, sess, diżabilità u orjentazzjoni sesswali. Il-ġurnalisti huma mħeġġa b’mod partikolari li jqajmu kuxjenza dwar il-kwistjoni ta’ diversità fix-xogħol u d-diskriminazzjoni għal raġunijiet varji.

Professjonisti tal-mezzi tax-xandir u esperti kontra d-diskriminazzjoni sejrin jagħżlu 27 rebbieħ tal-premjijiet nazzjonali. Ġurija ta’ l-UE mbagħad tagħżel tliet rebbieħa tal-premju mill-UE kollha. Is-sottomissjonijiet se jkunu ġġudikati skond il-valur ta’ l-aħbar, ir-rilevanza, il-kumplessità tar-riċerka u t-tħejjija, l-oriġinalità, il-kreattività, u wkoll skond is-sinifikat tagħhom għall-pubbliku.

ĠDID: Premju Speċjali – Is-Sena Ewropea għal Opportunitajiet Indaqs għal Kulħadd

Din is-sena, għall-ewwel darba, sejjer jingħata premju speċjali, bil-kooperazzjoni mas-Sena Ewropea għal Opportunitajiet Indaqs għal Kulħadd. Il-kandidati se jikkwalifikaw għal dan il-premju speċjali billi jissottomettu artiklu li jittratta d-diskriminazzjoni għal raġunijiet ta’ razza jew oriġini etnika, reliġjon jew twemmin, sess, orjentazzjoni sesswali jew diżabilità u li jagħmel referenza għas-Sena Ewropea għal Opportunitajiet Indaqs għal Kulħadd. Artikli fuq diskriminazzjoni għal raġunijiet varji jintlaqgħu b’mod partikolari.

Aktar informazzjoni…

Min jista’ jieħu sehem?

Il-Premju ta’ l-2007 għall-Ġurnalisti jistieden ġurnalisti ta’ l-istampa u online mis-27 Stat Membru ta’ l-UE kollha sabiex jipparteċipaw. Is-sottomissjonijiet għandhom ikunu ġew ippubblikati fl-istampa jew online bejn l-1 ta’ Jannar u l-31 ta’ Diċembru 2007. L-uffiċju editorjali prinċipali tal-mezzi tax-xandir li fuqhom is-sottomissjoni tkun ġiet ippubblikata għandu jkun ibbażat f’wieħed mis-27 Stat Membru ta’ l-UE. L-artikli jistgħu jintbagħtu fit-23 lingwa uffiċjali ta’ l-UE, u għandu jkollhom numru minimu ta’ 3,800 karattru (inkluż l-ispazjar).

Aktar informazzjoni…

Irbaħ vjaġġ għal wieħed mill-pajjiżi ta’ l-UE li tagħżel int

Ir-rebbieħ prinċipali, it-tnejn li jiġu wara u r-rebbieħ tal-premju speċjali jirbħu vjaġġ ta’ studju għall-pajjiż ta’ l-UE ta’ l-għażla tagħhom fejn jistgħu jgħaqqdu d-divertiment ma’ programm imfassal għall-interessi ġurnalistiċi speċifiċi tagħhom. (Valur totali €12,000).

Aktar informazzjoni…

Inti interessat li tieħu sehem?

Kull m’għandek tagħmel huwa li timla l-formola ta’ l-applikazzjoni online u ddaħħal is-sottomissjoni tiegħek. Jekk jogħġbok aqra r-regoli tal-kompetizzjoni kif inhuma indikati fil-link hawn taħt qabel ma tibgħat is-sottomissjoni tiegħek. Id-data ta’ l-għeluq għas-sottomissjonijiet hija l-30 ta’ Settembru 2007. M’hemmx ħlasijiet għall-parteċipazzjoni.

Aktar informazzjoni…