Il-Premju għall-Ġurnalisti
Illum il-ġurnata, meta daħal fis-sitt sena tiegħu, il-Premju jonora lill-ġurnalisti li jirrapportaw l-artikli tagħhom fuq l-internet jew fil-gazzetti u rivisti fl-UE li, permezz tal-ħidma tagħhom, jikkontribwixxu għal fehim pubbliku aħjar tal-benefiċċji tad-diversità u l-ġlieda kontra d-diskriminazzjoni.
Il-kompetizzjoni hija miftuħa għal ġurnalisti li jiktbu dwar kwistjonijiet ta’ diskriminazzjoni bbażata fuq l-oriġini razzjali jew etnika, ir-reliġjon jew it-twemmin, l-età, diżabilità u l-orjentazzjoni sesswali. L-artikli kollha li jiġu sottomessi għandhom ikunu ppubblikati f’sede ta’ pubblikazzjoni tal-midja stampata jew fuq l-internet li jkollha l-uffiċċju editorjali prinċipali tagħha f’wieħed mis-27 Stat Membru tal-UE.
B’antiċipazzjoni għas- Sena Ewropea 2010 għall-Ġlieda kontra l-Faqar u l-Esklużjoni Soċjali, il-kompetizzjoni ta’ din is-sena tinkludi premju speċjali għal artikli li jiddeskrivu kif id-diskriminazzjoni bbażata fuq ir-raġunijiet imsemmija fuq tista’ twassal għall-faqar. Il-ġurnalisti huma mistiedna wkoll jissottomettu applikazzjonijiet għal din il-kategorija speċjali li tesplora kif il-faqar jista’ jwassal għad-diskriminazzjoni.